Archivo de la categoría: Euskara kanpainak

Olerkiak ahotik belarrira eta belarritik…

Estándar

Firin faran haizeak gogor jo du azken boladan. Hostoak airean dantzan ari dira hitzekin batera. Hitzak ahotik belarrira doaz gozo-gozo. Biluztutako zuhaitzetan kolore guztietako txoriak elkarri ametsak kontatzen ari. Hitzak, txoriak, ametsak airean dabiltz udazken honetan. Ahoetatik belarrietara eta belarrietik… bihotzetara.

Irudian klik egin Gandasegiko 3 eta 4 urtekoen arteko “olerki-truke” argazki erreportaia ikusteko.

Gandasegi Haur Hezkuntza

Ver la entrada original

Anuncios

BOST MINUTUKO IKASTAROA: -en eta -ko atzizkiak eta diru-balioak / Joxean Agirre / Korrika 2019

Estándar

Euskara hobetzen

-EN eta –KO atzizkiak eta diru-balioak

Noiz erabili –EN eta noiz –KO

  •  Zerbaiten balioa guztira zenbat den adieraztean, -EN

–         Hogeita hamar eurorEN gasolina. (Hogeita hamar euroren truke ematen dutena)

–         Bi eurorEN gaztainak.

–         Bost eurorEN txurroak.

–         Hiru pezetarEN karameluak.

  •  Unitatearen prezioa adieraztean, -KO

–         1,33 euroKO gasolina. (Litroak 1,33 euro balio du).

–         Hamalau euroKO txakolina. (Botilak edo dena delako unitateak 14 euro balio du).

–         800.000 pezetaKO boilur zuria (Kiloak edo dena delako unitateak 800.000 pezeta balio du).

  • Diferentea da esanahia adibideotan, bi atzizkietatik zein erabiltzen den:

–         3.722 milioi euroREN akzioak salerosi ziren.

–         ?3.722 milioi euroKO akzioak salerosi ziren.

–         200 eta 1.000 euroKO akzioak jaulkiko dituzte.

–         ?200 eta 1.000 euroREN akzioak jaulkiko dituzte.

Oharra: ? ikurrak esan nahi du perpausa ez dela pragmatikoki egokia, gramatikala izan arren. Testuingurua emanez gero, orduan erabil liteke.

https://www.ehu.eus/eu/web/euskara/ehulkuren-aholkuak

EHULKUren aholkuak – UPV/EHU

http://www.ehu.eus

UPV/EHUko Euskara Zerbitzuak 2006tik 2014ra bitartean EHULKUren aholkuak izenarekin argitara eman dituen fitxa didaktikoak pdf dokumentuetan bilduak dira. Fitxok atalka eskuratu daitezke (Hiztegi-kontuak, Morfologia, Sintaxia, Estiloa…), edo fitxategi bakarrean (Dokumentu osoa)

*******

Pasartea

Egunen batean entzungo duzu beharbada gizonezko doilorren batek asmatu zuela ispilua eta jarri zuela emakumearen eskuetan, bere buruaz haratago mundurik ikus ez zezan, bere edertasunaren mirabe bihur zedin, goizero bere xarmen kontaduria egiten denbora gal zezan, baina ez da egia, emakume bat izan daiteke ederra eta bere buruaren jabe. Uste dut zu horrelakoa izango zarela egunen batean.

Ispiluak eta itsasoak

Joxean Agirre

Korrika 2919. KLIKA

KORRIKAren abestia aurkeztu dute.  Klika KORRIKA 2019 da bere izenburua, eta Fermin Muguruza izan da abestiaren eta bideokliparen zuzendari artistikoa. Mad Muasel, La Furia eta Fermin Muguruza bera dira interpreteak, eta musika, aldiz, Kataluniako Chalart58 eta Fermin Muguruzak sortu dute elkarlanean.
Trap, dancehall eta hip-hop doinuak eta euskal tradiziokoak nahasten dira abestian, Fermin Muguruzak ohikoa duen estiloan. Garestik Gasteizko bidea girotzeko kantu ezin hobea da, beraz, indartsua eta berritzailea.

Euskaraldia abian da. Gandasegikoek aho bizi-biziak eta belarriak prest dauzkagu.

Estándar

Etxetik eskolara, eskolatik etxera… etxean, eskolan eta bidean topatzen dugun jendearekin euskaraz egitea, euskaraz bizi izatea, horixe dugu euskaraldiaren erronka. Asko gara eskola komunitatea osatzen dugun euskaldunok: seirehunen bat ikasle, 60ren bat irakasle, jantokiko langileak, monitoreak eta guraso mordo bat.

Ahobizi txapa arropan eskegita joan ziren ikasleak etxera. Karteltxo bat ere eraman zuten bizi diren atarietan jartzeko. Kartelan norberaren irudia eta izena idatzirik (Mikel , Ane, Jon, Uxue,…). “Ane/ Mikel naiz …Ahobizi naiz. Argi dago, nik euskaraz egingo dizuet eta zuek, baldin badakizue, egin euskaraz niri.

Azaroaren 23 tik abenduaren 3 ra bitartean Euskaraldia, hamaika egun euskaraz ekimena egingo da Euskal Herri osoan. Euskaraldia euskararen erabiliera areagotzeko ariketa sozial bat da. Horren bitartez, dauden inertziak astindu eta herritarron hizkuntza ohiturak aldatu nahi ditugu.

“Nora” abesti polita eta balearen bertsoak kanta trukean.

Estándar

Nora, Nogen taldearen abestia, izan da bostgarren mailakoek aukeratu egin dutena kanta trukerako. Dakizuenez kanta truke ekimena eskolan euskararen erabiliera areagotzeko aurten burutu dugun lehenengo jarduera da. Mailaka, taldeka, kanta bat aukeratu izan da eta ondo ikasi ondoren beste mailako talde batekin egin da truke.

Nora kantaren letra

Orioko herrian balea agertu omen zen duela ehun eta hamazortzi urte. Bigarren mailako marinelek gogora ekarri digute istorio hori oso ezagunak diren bertsoak kantatzen.

Mila bederatzieun da/ lenengo urtian/ Maiatzaren hamalau/ garren egunian/Orioko herriko/ barraren aurrian./ Balia agertu zan/beatzik aldian.

Haundia ba zan ere/ azkarra ibilian./Bueltaka han zebilen/juan da etorrian./Ondarra arrotuaz/ murgil igarian./ Zorriak zeuzkan eta/ haiek bota nahian.

Orioko balearen bertsoak

Kantatzen duen eskola, kantatzen duen herria …

Estándar

“Gau eta egun euskaraz  bizi nahi dut eta gauza bera egin  dezakezu zuk” hau da  “Nahi dut” kantaren hasiera. Abesti hau izan da seigarren mailako talde batek aukeratu duena kanta truke egiteko. Azkenengo hamabostaldian jarduera polit horretan murgilduta izan da eskola osoa. Abestiak aukeratu, ikasi eta azkenean beste taldekoengana joan truke egiten.

Nahi dut -letra /Esne Beltza /

Hirugarren mailakoek kanta klasiko bat prestatuta zuten trukerako. Nork ez du inoiz abestu “Euskal Herrian euskaraz” Oskorriren abesti famatua?. Euskal Herrian euskaraz nahi dugu hitz eta jolas lan eta bizi euskaraz eta hortara goaz…

Euskal Herrian euskaraz- letra

Bi eta bost urtekoen arteko olerki truke.

Estándar

Udazken haizetsu eta euritsu honetan txoriak hegan dabiltza batetik bestera babeslekuaren bila. Eskolara etorri zaizkigu biak, udazkena eta txoria, kontu kontari. Guk belarriprest izan dugu ondo entzuteko eta ondoren ahobizi gure lagunei kontatzeko.

Jiran-Biran Pello Añorgaren liburutik bi olerki hartu ditugu gelan eta etxean ikasteko. Olerkia entzun, ulertu eta ondo ikasi ondoren beste gela bateko ikaskideekin trukatzeko eguna heldu zen. Ikusi gure ikasleek egindako lan ederra. Udazkena ( bi urtetakoek) eta Txoria(bost urtetakoek).

Kanta trukean ari gara.

Estándar

Haizeak gogor jo ohi du udazkeneko egunetan. Haize harroputza dugu. Putz eta putz indartsu dabil hodei eta euriaren lagun. Zuhaitzen hosto horixkatuak airean dabiltz dantzan. Haizearen kanta Euskal Herriko bazter guztietan entzun da herrialde bakoitzaren hizkeran: bagare, bagera, bagire, bagara. Ikusi eta entzun laugarren mailako ikasleak  “Bagare” Gontzal Mendibil eta Xeberriren kanta abesten. Hitz-joko bat erabiliz, euskararen eta euskaldunen arteko batasunaren aldeko mezu argia du kantak.

Lehenengo mailakoen txanda da. Putz eta putz , ez dira haizearen beldur. Kanta eta dantzan aritu ziren gogoz.

Haize harroputz

Beldurrez nago basoan/ hurbiltzen hasi baita/ haizea, haizea/ hurbiltzen hasi baita./ Zer da berak nahi duena/ niri hostotxoak/ kentzea, kentzea/ niri hostotxoak.

Putz eta putz/ putz eta putz/ zoaz hemendik/ haize harroputz!

Gandasegin be ahobizi eta belarriprest

Estándar

Euskaraldia badator, badator Euskaraldia!

Hamabost egun baino ez dira falta Euskal Herri osoan abian jarri den euskararen aldeko ekimen hori hasteko. Horren bitartez, gure herrian euskaraz egin eta entzutea uste duguna baino posibleagoa dela erakutsi gura da. Hamaika egun euskaraz, azaoaren 23 tik abenduaren 3 ra.

Gandasegin be ahobizi eta belarriprest” lelopean gure eskola aurrean kokatu gara argazki erraldoiak egiteko. Ahobizikoak izango gara gu, euskaraz berba egiteko prest edonon, edonoiz eta ulertzen duen edonorekin. Bestealdetik, belarria prest izango dugu gurekin euskaraz hitz egiten duenak entzuteko eta elkarrizketa bizian aritzeko.

Gandasegiko txikienak ere ahobizi eta belarri prest

” Astelehenean buruko mina” Bigarren mailakoak bertsotan .

Estándar

Kanta truke jarduera abian da, dagoenekoz. Eskolako eremu guztietan eta gure eguneroko bizitzan euskararen erabiliera sendotzea eta areagotzea dira jarduera honen helburuak. Kantatzea baliabide ona da elkarren arteko harremanak sortzeko eta hizkuntzarekiko jarrera positiboak bultzatzeko. Jarduera goxoa, atsegina. Umeak pozik ari dira kantak ikasten eta, nola ez, besteon aurrean abesten. Hona hemen bigarren mailako ikasleek Jon Maiaren bertso bat abesten bosgarren mailakoen aurrean.

 

 

Astelehenean buruko mina,

asteartean sukarra.

Asteazkenean medikutara,

ostegunean gau txarra.

Ostiralean nora joango naiz?

Asteak pasa du marra.

Larunbata da ondo nagoen

asteko egun bakarra.

                           Jon Maia

Gandasegiko kumetxoek olerki trukean.

Estándar

Hauxe dugu, ikasturte honetan,  euskararen erabiliera sendotzeko eta areagotzeko eskolak abian jarri duen lehenengo jarduera. Aurreko astean “argitxo” etorri zitzaigun bisitan eta Peio Añorgak idatzitako lau poema utzi zizkigun. Olerkiak entzun eta ondo ikasi ondoren mailaz maila joan gara truke egiten.

!.- Egunon laztana! Zelan egin duzu lo? 2.- Eman musu bat! 3.- Jostailuak batuko ditugu? 4.- Egin zintz! 5.- Hori ez da egiten. 6.- Oso ondo! Ederto egin duzu! 7.- Goazen kalera! 8.- Ixilik! 9.- Berandu da. 10.- Gabon, ondo lo egin!

Liburua: Jiran-Biran.

Aukeratutako olerkiak: Udazkena, Hitza, Ametsa, Txoria

Egilea: Peio Añorga. Marrazkiak: Jokin Mitxelena

 

UDAZKENA

FIRIN-FARAN

HOSTOAK DANTZAN

FIRIN-FARAN

UDAZKENEAN

 

 

AMETSA                                                  TXORIA

KASKA-KASKA                                              MOREA

KASKA TXURI                                                GORRIA

KASKA-KASKA                                              LARANJA

KASKA GORRI                                              URDINA

KASKA-KASKA                                             BERDEA

KASKA BELTZ                                               ANILA

KASKA-KASKA                                             HORIA

ETXEKO LEIHOAN                                MOKOA GARBITZEN

TXORIAK AMETS                                      ARI DA TXORIA