Archivo de la categoría: Ospakizunak

Irakurleak eraikitzen / Construyendo lectoras y lectores.

Estándar

Apirilaren 2an Umeen Liburuaren Nazioarteko eguna ospatzen da; Bizkaiko Foru Aldundia duela lau urte hasi zen efemeride hori ospatzen IRAKURLEAK ERAIKITZEN / CONSTRUYENDO LECTORAS Y LECTORES jardunaldiekin. Jardunaldi hauen helburua umeen artean irakurzaletasuna sustatzea da.

El 2 de abril se conmemora el Día internacional del libro infantil, una efeméride que la Diputación Foral de Bizkaia viene celebrando desde hace cuatro años con las Jornadas IRAKURLEAK ERAIKITZEN / CONSTRUYENDO LECTORAS Y LECTORES con el propósito de incentivar la lectura infantil.

IRAKURLEAK ERAIKITZEN Emozioak eta literatura.Haurrentzako poesia

    Apirilaren 3a

18:45. Irakurketa: Munduko umeentzako mezua (Madeleine Perfecta & Markel Bárcena). Elebiduna.

19:00. Hitzaldia: Irakurketaren bidezko heziketa emozionala (Begoña Ibarrola).Gazteleraz.

   Apirilaren 4a

19:00.Emanaldia: Haurrentzako poesia, emozioen bidez lantzen. Elebiduna.

Poesia errezitaldia. (Madeleine Perfecta, Markel Bárcena, Miguel González).Elebiduna.

Programa deskargatzeko, klikatu hemen. Doako sarrera, edukiera osatu arte (50 pertsona).

Foru Liburutegira sartzeko NANa, pasaportea edota Bizkaiko Liburutegiko Txartela aurkeztu behar da.

Anuncios

Apirilaren 2 a, Haur eta gazte liburuaren Nazioarteko eguna.

Estándar

1967. urtetik, apirilaren 2an, Hans Christian Andersen danimarkar idazlearen jaiotegunean hain zuzen, IBBYk( Haurrentzako eta gazteentzako nazioarteko elkartea) Haur Liburuaren Nazioarteko Eguna ospatzen du, haur eta gazteentzako kalitatezko liburuak bultzatzeko, eta gazteenen artean irakurtzeko zaletasuna sustatzeko.

 Urtero,eguna ospatzeko, herrialde bateko idazle bat eta ilustratzaile ezagun bat hautatuak izaten dira mundu osoko haurrei bidaltzen zaien mezua eta kartela egin dezaten.

https://www.oepli.org/

img_oepli

Txikia handia da liburu batean

Idazlea Inese Zandere /Itzulpena: Iñaki Mendiguren /Ilustrazioa Reinis Pētersons

Jendeak erritmo eta erregulartasunerako joera du, fisikako esperimentu batean energia magnetikoak metal-txirbilak antolatzen dituen bezalaxe, elur-malutak uretatik kristalak sortzen dituen bezalaxe. Maitagarrien ipuin edo olerki batean, haurrek atsegin dituzte errepikapena, leloak eta motibo unibertsalak, aldi bakoitzean berriro ezagut daitezkeelako; erregulartasuna ematen diote testuari. Horrela, ordena ederra lortzen du munduak. Oraindik gogoan dut umetan neure buruarekin borrokatzen nintzela zuzentasun eta simetriagatik, ezkerrarentzat eta eskuinarentzat eskubide berberengatik: mahaian erritmo bat markatzen banuen hatz-muturrez, hatz bakoitzak zenbat aldiz jotzen zuen zenbatzen nuen, besteak irainduta ez sentitzeko. Txalo egiteko eskuin eskua ezkerraz jo ohi nuen, baina gero bidegabea zela pentsatu nuen eta beste aldera egiten ikasi nuen: ezkerra eskuinaz jota. Orekarako berezko joera hori bitxia da, noski, baina munduari okertzen ez uzteko premia erakusten du. Eta guztia orekaturik egoteko erantzukizuna nirea zela sentitzen nuen.

Lee el resto de esta entrada

Musika eta dantzak aurtengo inauterietako erreginak.

Estándar

“Belarrietatik zuzen bihotzeraino  doan arte liluragarrienetarikoa dugu musika”

Magdalena Martínez- Flauta jotzaile.

Musika izan da aurtengo karnabalerako gaia. Mailaz maila, lehenengotik seigarrenera, musika mota-estilo-mugimendu bat aukeratu izan da eta horren arabera mozorratu egin dira eta, nola ez, ikuskizunerako dantza prestatu egin dute gure neska mutilek.

Aratuste garaian gaudenez ezinbestekoa zen Brasilgo herri kulturan errotutako sambagaz hastea. Lehenengo mailakoek, maraka zaraten erritmoagaz, Rio de Janeirora eraman gaituzte. Une batez, Gandasegiko patio “sambodromo” txiki bat bilakatu zaigu. Samba, samba, samba lele!, Samba, samba, samba lele!

Samba, Reggae, Rock and Roll-a, Gospell-a eta bukatzeko musika klasika eta ballet dantzariak izan ditugu gure artean. Lan polita egin duguna ikasleok eta irakasleok. Gogoratu eta goza dezagun bideoak ikusten.

Brasiletik, atsedenik hartu gabe, Jamaika aldera jo egin genuen . Bertan Bob Marley-ren jarraitzaileekin topa egin genuen eta suabe -suabe eta gozo-gozo “reggae” abesten eta dantzatzen hasi ginen. Bigarren mailako reggae zaleekin egin dezagun dantza!

Bertoko musika genero ezberdinak nahastuz jaio omen zen Rock and Roll-a Estatu Batuetan. Laster Mundu osora eta hizkuntza guztietara barreiatu egin zen gazte musikazaleak zoratuz. Euskal Herrira ere heldu zitzaigun rock-a. Rock talde anitz sortu ziren eta izugarrizko kantak entzun ahal izan ditugu euskaraz. “Euskadin Rock and Roll-ak ez du inoiz dirurik emanen. Inun baino alaiago izanen da … ta zer ez da berdin”– zioen Hertzainak taldearen kanta famatuak. Hona hemen hirugarren mailako rockeroak!

Laugarren mailako rappero euskaldunak patioa hartu zuten. “Lau, lau, laugarren, mai, mai,mailako, lau, lau, rapp, rapp, rapp- eroak, rapperoak, gara. Rapp, pe, rapp, pe, rappero, eus, eus, euskal,euskal, kaldunak. Eus, eus, euskara, euskara, bi,hotz, bi,hotz, bihotzean duguna”.

Bosgarren mailakoen “Góspel” koroak “oh happy day” kanta abestera gonbidatzen gaitu. Kanta eta dantza dezagun batera!

“Oh happy day, oh happy day!. Dantza dezagun herriz herri. kanta dezagun denok elkarrekin. Oh happy day”. “Oh happy day, oh happy day! Iritsi da eguna, eguna alaia. Eguna alaia, zatoz nirekin, zatoz abestera, abestera. Oh happy day!

Eta…  ez galdu prestatu zuten sorpresa!

Harrigarria bada ere orkestra bat agertu zitzaigun patioan. Bibolinak, biolontxelo, tronpak, flautak, …, eta pianoa! Seigarren mailako orkestra sinfonikoak, Pedro Von Karajan zuzendaritzapean, kontzertu ederra eskaini zigun.

Gandasegiko Sinfonikoa, Pedro Von Karajan zuzendaria dela, kontzertua hasteko prest.

kontzertua “Toreadorearen abestia” Bizet-en Carmen operaren aria ospetsuarekin hasi zen.  Tchaikovsky-ren “Beltxargen aintzira” lehenengo akordeak entzutean beltxarga saldo bat agertu zen, gure patio-aintziran, dantza egiteko prest. Dantza bukatzean zorabiatu edo lokartuta gelditu ziren zoluan. Orkestrakoek, beltxargak esnatzeko, Nikolai Rimsky-korsakov-en “Kotxorroaren hegalaldia” jo zuten. Esnatu ondoren ikusi zer gertatu zen:

 

Ostegun gizena, Txitxiburduntzi eguna Gandasegi Eskolan.

Estándar

Inauteri aurreko astean (igandean edo ostegun gizenean) ospatu egiten da Txitxiburduntzi” eguna Euskal Herriko hainbat herritan. Ohitura zaharrari jarraituz familiak, lagun taldeak mendira joaten dira,  sua prestatu eta makilatxo baten (burruntzia) txerrikiak (txorizoa, txistorra,…) sustaturik sutan erre eta , jai giroan, jan egiten dira.

Txerri hilketarekin lotutako ohitura hori gure herrietan bizirik dago gaur egun ere.  Eskolan, ohitura zaharrari eutsiz,  atzokoan ospatuko genuen Txitxiburduntzi eguna. Ospakizun horrek izen ezberdinak ditu: Txitxiburduntzi ,Kanporamartxo, Sasimartxo ,Basokoipets, Kanpamartxo,Txitxiburruntzi ,Sasikoipetsu ,Basatoste , Basaratoste , Basaratuste ,Sarteneko,…

Día de Txitxiburduntzi es una antigua tradición del Pais Vasco. Esta celebración se llevaba a cabo en numerosos pueblos antes de la Cuaresma, el domingo anterior al domingo de Carnaval o en el llamado “Jueves gordo”. Este día se iba al monte, se preparaba una hoguera, y allí se asaban al fuego carne (“txitxi”), chorizo, chistorra y otros productos de la matanza, ensartados en un palo (“burduntzi” o “burruntzi”). En la actualidad, y aunque ya no se realice la matanza, esta tradición se mantiene viva en diferentes pueblos de nuestro entorno. En nuestra escuela ayer celebramos el “Txitxiburduntzi eguna”.

 

 

Txikiak eta handiak elkarrekin olgetan.

Estándar

Abenduaren 3 a, Euskararen Nazioarteko Eguna da. Hori dela eta, txikiekin jolasteko saio berezi bat egin genuen atzo. Egiatik eskolako nagusien talde bat bost urteko neska-mutilekin jolastera jeitsi zen Gandasegira.

Jolasen helburu nagusia olgatzea, ondo pasatzea, da. Ezer gutxi behar da jolasteko: gogoa eta lagunak. Orga eta zaku lasterketak, soka saltoka eta zankuak, bolo jokua, sokatira eta lokotsen bilketa … txikiak, nagusien laguntzaz, txokoz txoko ibili ziren gelditu gabe.

Lan egiteko denbora astiro igarotzen dela diote eta jolastekoa, ordea, arineketan .Erlojua ez da eteten, denbora  aurrera doa beti eta ea konturatu gabe amaitzeko ordua heldu zitzaigun. Ordubete lagunekin, elkarrekin, olgetan eman genuen euskararen eguna ospatzeko.

 

Gaur, bihar … egun guztiak dira euskararen eguna.

Estándar

Igandean, abenduaren 3 an, izan zen euskararen nazioarteko eguna. Guk, eskolan, atzokoan ospatu genuen. Egun hotza eta euritsuari aurre eginez, goizeko bederatzietan, ikasle eta irakasle guztiak prest geunden elkarrekin abesteko. 600 en ahotseko koro ederrra osaturik prestatutako errepertorioari ekin genion. Hasteko, “Maitetxo” abestia, txirulaz jo zuten goi mailako ikasleek. Ondoren, “ahoa bizi, belarriak prest” eta “behin betiko” kantak abestu genituen denek batera.

Urteak 365 egun ditu … ein ditzagun denak, narultasun osoz, euskararen eguna. Azkenengo kantak esaten den moduan: ” etxean eta kalean … jolasean, eskolan, lanean … euskaraz Euskal herrian”.


Maitetxo itsasora juan da / itsasontzi batean./ Maitetxo itsasoan dago
urrutirako bidean.
Maite, maite…
Maitetxo noiz etorriko da,/ nere bihotza zain dago./Maitetxo noiz etorriko da,
biok alkar bizitzeko.
Maite, maite…

Ahoa bizi,  belarriak prest

Euskara Udalean/Euskara Herrian/euskaraz hartzen dugu/ta euskaraz edan genuen/ amaren titian.
Euskara edan nahi dugu iturri berrian !!                  Euskara edan nahi dugu iturri berrian!!

Behin betiko kanta

Euskara edan nahi dugu iturri berrian.

Estándar

Badator, badator euskararen eguna. Bi aste baino ez dira falta abenduaren 3rako. Igandea denez eskolan astelehenean ospatuko dugu. Aurreko urteotan bezala Gandasegiko patioan elkartuko gara abesteko. Hauek dira abestuko ditugun kantak:

Ahoa bizi,belarriak prest

EUSKARA UDALEAN
EUSKARA HERRIAN
EUSKARAZ HARTZEN
DUGU
TA EUSKARAZ EMAN
EUSKARA EDAN
GENUEN
AMAREN TITIAN
EUSKARA EDAN NAHI DUGU ITURRI BERRIAN !!
EUSKARA EDAN NAHI DUGU ITURRI BERRIAN !!

Behin betiko … Euskaraz nahi dugu bizi !

Apirila, liburuen hila ! ¡Abril, el mes de los libros!

Estándar

Apirilaren 2an, Hans Christian Andersen danimarkar idazlearen omenez, Haur Liburuaren Nazioarteko Eguna ospatzen da Mundu osoan. Urtero haur eta Gazteen Liburuen Elkarteak herrialde bat aukeratzen du egunaren babeslea izateko. Honek bere herrialdeko idazle bat eta ilustratzaile ezagun bat hautatzen ditu mundu osoko haurrei bidaltzen zaien mezua eta kartela egin dezaten. Aurtengo mezua  Sergey Makhotin errusiar idazleak idatzi du eta kartela  Mikhail Fedorov marrazkigileak.

 El día 2 de abril, en memoria del escritor danés Hans Christian Andersen, se celebra el Día Internacional del Libro Infantil. Cada año se elige a un país y este selecciona a un escritor/a y a un  ilustrador/a  para que elaboren el mensaje y el cartel que se distribuye por todo el mundo.El mensaje de este año es del escritor ruso Sergey Makhotin y el cartel del dibujante Mikhail Fedorov.

Hazi gaitezen liburuekin

Haurtzaroaren hasieran maite nuen etxeak eraikitzea bloke eta mota guztietako jostailuak erabiliz.Teilatuaren ordez, sarri erabiltzen nuen haurrentzako liburu irudiztatu bat. Ametsetan etxeraino igotzen nintzen, pospolo kaxaz egindako ohean etzan eta hodeietara edo zeru izartsura begira egoten nintzen, betiere gogokoen nuen ilustrazioaren arabera egoten zen.

Crezcamos con los libros

En mi más tierna infancia me gustaba construir casitas con bloques y todo tipo de juguetes, solía usar como tejado libros infantiles ilustrados; en sueños, subía hasta el interior la casa, me acostaba en la cama hecha con cajas de cerillas y contemplaba las nubes o el cielo estrellado, todo dependía de la imagen que más me gustase.

Mezu osoa irakurtzeko egin klik ondorengo loturan: Haur Nazioarteko Liburuaren eguna.

Julene andereñoari agur beroa.

Estándar

Azkenean heldu zitzaion erretiro hartzeko unea gure Julene maiteari. Gandasegi Eskolan bere lankide izan garenok elkartu ginen, pasa den astean, merezi zuen moduan ospatzeko. Alai eta gazte agertu zitzaigun Julene eta, nola ez, erabat unkiturik bere omenez egindako bertsoa abestu egin genionean. Animo Julene! Maletak hartu eta Munduari bira bat, bi, hiru eman! Munduko bazter guztiak dituzu zain! Bidaia onak egin eta … ez ahaztu postalak guri igortzea.

Julene agerikoa / zugatik daukagun poza / inbidia dugula be / esateko ezin lotsa.

Bikote, ama, langile / zure etxeko ahotsa / ta irakaskuntzan ere / izan duzuna morrontza.

Lan nahiko egin duzu ta /orain behar duzu goza / liburu eta bertsoak / neurri luze edo motza / ondo pasatzeko ere / ia zaren hain zorrotza, / jaso ezazu bihotzez / zure lankideen aitortza.

                                            Egilea: Josu Telleria

                                                    Doinua: Habanera

Bertsoa pdf.an: Julene