Euskara hobetzen: BESTE eta kalkoak
Kalko okerra da BESTE BAT esan ordez BERRI BAT esatea
Falta berri bat adierazi du arbitroak
Beste falta bat adierazi du arbitroak
Ostera ere, falta adierazi du arbitroak
BESTE EGUNEAN ere gaizki erabiltzen dugu; zuzena LEHENGO/AURREKO egunean litzateke.
Beste egunean, ez zinen bilerara etorri
Lehengo egunean, ez zinen bilerara etorri
Lehengoan, ez zinen bilerara etorri
Aurreko egunean, ez zinen bilerara etorri
Aurrekoan, ez zinen bilerara etorri
Joan den/zen egunean, ez zinen bilerara etorri
*******
Mesedez, utzi ume afrikarrekin argazkiak ateratzeari
Afrikara bazoaz, mesedez ez atera argazkiak ume beltzekin gero sare sozialetara igotzeko, utzi argazki moloietan Afrikari buruzko topiko iraingarriak zabaltzeari eta gainditu ezazu “txuri salbatzailearen konplexua”. Kontzientziazio kanpaina abiatu dute Norvegian.
“Errespetatu pertsonen duintasuna”, “argazkia atera aurretik baimena eskatu” edo “gogoeta egin, zertarako igo nahi duzu benetan argazki hori sare sozialetara?” bezalako gomendioen bidez, Afrikara bidaiari edo proiektu humanitarioren batean boluntario doazen europarrak kontzientziatu nahi ditu ekimenak, Facebook eta Instagramera gustu txarreko zenbat eta zenbat selfieigotzen diren ikusita. “Ume afrikar batekin selfie bat egiteak, adibidez, ideia faltsu bat betikotzen lagundu dezake: mendebaldea dela sendatzen eta salbatzen duen bakarra, Afrikako komunitateak pasiboak eta otzanak direla, ume hori bazterrean utzia izan dela eta boluntarioa superheroi moduko bat dela”.